Beschreibung

Rätoromanisch. La Tribuna Romontscha Nr. 7. Collecziun de cumedias romontschas edida da Sur Carli Fry. Questa trafedia ei stampada a Cuera ell'Officina de Casanoca en 500 exemplars. Carli Fry * 4.11.1897 Gonda (Mustér) GR, † 29.11.1956 Latis (Mustér) GR. Gimnasi a Mustér (scolar da →Maurus Carnot) e Sviz, matura il 1918. Studi da teologia a Cuira, il 1921 ordinaziun sacerdotala, 1922–27 chaplon a Cavardiras. 1927–29 studi d’istorgia e litteratura a Friburg, promoziun. Per resguard da sia greva malsogna dals gnirunchels daventa F. benefiziat en la baselgia da pelegrinadi Nossadunna dalla Glisch a Trun. 1929–54 activ sco spiritual, autur, istoricher e publicist da caracter conservativ. En la dramatica rumantscha occupa F. ina posiziun-clav. Dad el existan var 25 tocs, tranter quels translaziuns en rumantsch sco "La mort dil bandit" (1932, tenor in drama da Giusep Orget), "Il Casti de Borotin" (1941, da Franz Grillparzer), "Zriny" (1943, da Theodor Körner), "La veglia cumedia uranesa dil Tell d’anno 1512" (1945), "Preciosa" (1949, da Pius Alexander Wolff, cun musica da Carl Maria von Weber) e "Don Robur" (1955, tenor l’original ladin da →Men Gaudenz).