Il gö cul dòdò

Il raquint cha l'autur ha miss sco titul da quist cudesch po star fich bain sco pegn e sco insaina per tuot ils oters raquints. El rinserra blers dals "motivs" chi vegnan trattats aint illa collecziun, mincha jada - natüralmaing - our d'ün oter puonch  da vista ed in different möd. El includa eir tuot la registraziun stilistica. Ils bler raquints da quist cudesch füssan - reguard lur lunghezza - adattats sco lectüra per sül maisin da not, ma na sco lectüra chi maness il lectur in beadentscha aint il sön. La mêra part dals raquints intimescha blerant da ponderar, consternescha dafatta, metta in imbarraz l'agen pensar, almain fin al mumaint cha'l lectur ha miss a lö la chosa. A tuottavia molestan tscherts raquints la pasch chi's obtegna cun tschessantar problems chi'ns turmaintan. ...