Der Holderbaum

Aus dem Buch:
Dr Hollerstogg.
Arme Holler! Grau und brüchig und verachtet no drzue: Grossi Heere, gringi Manne, Ghein het eppis mit dr z tue. Bloss die Chlyne chemme zuen dr, chlemme mit dr grosse Scheer, mache Wassersprütze uss dr und ne luschtig Chlepfigwehr. Niene wachst e so ne Döller und ne Baum für chlyni Lüt: chausch em raube Bluescht und Beeri, doch er chlagt und zürnt dr nüt. Ärdechraft und Himmelssäge schlofe still im Hollerbaum, doch er düsst si fest a d Muure und er buggt si tief im Traum. Numme Lüt mit hälle Ohre ghöre, was er z Obe seit. Numme Lüt mit heitre Auge gseh, was är im Chrättli treit.